ການລົງໄປຝຶກອົບຮົມ ແລະ ຕິດຕາມວຽກງານອາຫານ ແລະ ຢາ ໃຫ້ບັນດາຂະແໜງອາຫານ ແລະ ຢາ ແຂວງແມ່ນມີຄວາມສໍາຄັນ ແລະ ຈໍາເປັນ ເຊິ່ງທຸກໆປີສູນວິໄຈອາຫານ ແລະຢາ ຈະໄປທົບທວນວຽກງານວິໄຈອາຫານ ແລະ ຢາໃຫ້ແຂວງ ເພື່ອສ້າງຄວາມເຂັ້ມແຂງໃຫ້ແຂວງມີຄວາມຮູ້ຄວາມສາມາດຫຼາຍຂື້ນເຊັ່ນ ການຖອດຖອນບົດຮຽນ, ການເກັບຕົວຢ່າງ, ການນໍາສົ່ງຕົວຢ່າງ ແລະ ການວິໄຈອາຫານ ແລະ ຢາ. ດັ່ງນັ້ນໃນລະຫວ່າງວັນທີ 15-19 ມັງກອນ 2024 ພະນັກງານສູນວິໄຈອາຫານ ແລະ ຢາ ໄດ້ລົງໄປຝຶກອົບຮົມໃຫ້ຂະແໜງອາຫານ ແລະ ຢາ ແຂວງຊຽງຂວາງ ແລະ ແຂວງຫົວພັນ ໂດຍການນໍາພາຂອງ ດຣ. ຈັນສະພາ ປາມະນີວົງ ຫົວໜ້າສູນວິໄຈອາຫານ ແລະ ຢາ. ພ້ອມດຽວກັນນັ້ນພະນັກງານ ສອຢ ຈໍານວນໜຶ່ງກໍ່ໄດ້ລົງໄປຝຶກອົບຮົມໃຫ້ບັນດາຂະແໜງອາຫານ ແລະ ຢາແຂວງຄື ແຂວງວຽງຈັນ ນໍາພາໂດຍ ດຣ. ພັດສະລີ ອຸດົມສັກ ຫົວໜ້າຂະແໜງວິໄຈຢາ ແລະ ເຄື່ອງສໍາອາງ, ແຂວງບໍລິຄໍາໄຊ ນໍາພາໂດຍ ດຣ. ສີສົມສັກ ແກ້ວບົວເງິນ ຫົວໜ້າຂະແໜງວິໄຈອາຫານ ແລະ ແຂວງຫຼວງພະບາງ ນໍາພາໂດຍ ດຣ. ແສງຈັນ ພົງສະຫວັດ ຮອງຫົວໜ້າຂະແໜງຮັບປະກັນຄຸນນະພາບ. ສໍາລັບການລົງຝຶກອົບຮົມຄັ້ງນີ້ແມ່ນ ເພື່ອຖອດຖອນບົດຮຽນວຽກງານການວິໄຈ ແລະ ການເກັບຕົວຢ່າງອາຫານ ແລະ ຢາ.
ຂຽນຂ່າວໂດຍ: ດຣ. ພັດສະລີ ອຸດົມສັກ
 
 
| 