ໃນລະວ່າວັນທີ 17 -21 ມີຖຸນາ 2024, ພະນັກງານ ສູນວິໄຈອາຫານແລະຢາ 2 ທ່ານ ຄື: ທ່ານ ນ. ປານີພອນ ເມກສະຫວັນ ວິຊາການວິໄຈຢາ ແລະ ທ່ານ ນ. ແສງຈັນ ພົງສະຫວັດ ຮອງຫົວໜ້າຂະແໜງຮັບປະກັນຄຸນນະພາບ ໄດ້ເຂົ້າຮ່ວມຫຼັກສູດການຝຶກອົບຮົມ ຄັ້ງທີ 7 ກ່ຽວກັບ ລະບຽບການຄວບຄຸມຄຸນນະພາບຢາທາງດ້ານຊີວະວິທະຍາໃນຂົງເຂດ ອາຊີ-ປາຊີຟິກ ຢູ່ ທີ່ປະເທດ ສ. ເກົາຫຼີ ໂດຍການສະໜັບສະໜູນຂອງອົງການອະນາໄມໂລກ. ຫຼັກສູດດັ່ງກ່າວ ມີຜູ້ເຂົ້າຮ່ວມທັງໝົດ ຈາກ 7 ປະເທດ ຄື: ລາວ, ຫວຽດນາມ, ກໍາປູເຈ້ຍ, ມາເລເຊຍ, ອິນໂດເນເຊຍ, ຟີລິບປີນ ແລະ ມົງໂກເລຍ ລວມຜູ້ເຂົ້າຮ່ວມທັງໝົດ 14 ທ່ານ. ຈຸດປະສົງຂອງຫຼັກສູດການຝຶກອົບຮົບນີ້ແມ່ນເພື່ອ ຊ່ວຍ ແລະ ສົ່ງເສີມຄວາມອາດສາມາດຂອງຜູ້ຄວບຄຸມລະບຽບການ ໃນການຄວບຄຸມຄຸນນະພາບຢາທາງດ້ານຊີວະວິທະຍາ ທາງທິດສະດີ ແລະ ການປະຕິບັດຕົວຈິງ.