ວັນທີ 08 ພຶດສະພາ 2026, ທ່ານ ດຣ. ບຸນສີ ສີບຸນເຮືອງ ຮອງຫົວໜ້າສູນ ພ້ອມດ້ວຍຄະນະຂະແໜງ ແລະ ວິຊາການ  04 ທ່ານ ໄດ້ເຂົ້າຮ່ວມກອງປະຊຸມເຜີຍແຜ່, ເຊື່ອມຊືມ ມະຕິກອງປະຊຸມໃຫຍ່ຄັ້ງທີ XII ຂອງພັກ ແລະ ມະຕິກອງ ປະຊຸມໃຫຍ່ ຄັ້ງທີ X ຂອງຄະນະບໍລິຫານງານພັກກະຊວງສາທາລະນະສຸກ, ທີ່ຫ້ອງປະຊຸມໃຫຍ່ ມວສ (ວິທະຍາເຂດດົງໂພສີ), ໂດຍພາຍໃຕ້ການເປັນປະທານຂອງ ທ່ານ ນ.​ ໃບຄໍາ ຂັດຕິຍະ ເລຂາພັກກະຊວງ, ລັດຖະມົນຕີກະຊວງສາທາລະນະສຸກ. ໃນວາລະດັ່ງກ່າວນີ້ ຍັງໄດ້ຈັດພິທີປະດັບຫຼຽນໄຊ, ຫຼຽນກາສຳລັບບັ້ນກະກຽມ ແລະ ດໍາເນີນການເປັນປະທານອາຊຽນ ຂອງ ສປປ ລາວ ໃນປີ 2024 ໃຫ້ແກ່ ພະນັກງານການນໍາ, ອາດີດການນໍາ ແລະ ບັນດາພະນັກງານ ທີ່ມີຜົນງານໃນກອງປະຊຸມອາຊຽນ ປີ 2024. ໃນພິທີດັ່ງກ່າວ, ທ່ານ ດຣ.​ບຸນສີ ສີບຸນເຮືອງ ຮອງຫົວໜ້າສູນ ໄດ້ຂື້ນຮັບຫຼຽນໄຊແຮງງານຊັ້ນ II, ທ່ານ ຄຳໄຊ ທ່າວ ຮອງຫົວໜ້າຂະແໜງວິໄຈອາຫານ ພ້ອມດ້ວຍວິຊາການ 04 ທ່ານ ໄດ້ຂື້ນຮັບຫຼຽນໄຊແຮງງານຊັ້ນ III ພ້ອມດ້ວຍໃບຍ້ອງຍໍຜົນງານດີເດັ່ນ ທີ່ໄດ້ປະຕິບັດໃນກອງປະຊຸມອາຊຽນທີ່ຜ່ານມາ.